>> Monday 5 September 2011
തണ്ണീര്‍പന്തലില്‍ ലീഗ് പ്രവര്‍ത്തകര്‍ വോട്ട് ബഹിഷ്‌കരിക്കുന്നു
നാദാപുരം: ആയഞ്ചേരി പഞ്ചായത്തിലെ തണ്ണീര്‍പന്തല്‍ വാര്‍ഡില്‍ ലീഗ് സ്ഥാനാര്‍ഥിയായി പുറമെനിന്നുള്ള ആളെ കൊണ്ടുവന്നതില്‍ പ്രതിഷേധിച്ച് പ്രവര്‍ത്തകര്‍ വോട്ട് ബഹിഷ്‌കരിക്കുന്നു. തണ്ണീര്‍പന്തല്‍ ടൗണ്‍ മുതല്‍ കാവുങ്കല്‍ പോസ്‌റ്റോഫിസ് വരെയുള്ള ഭാഗത്തെ പ്രവര്‍ത്തകര്‍ യോഗം ചേര്‍ന്നാണ് തീരുമാനം പ്രഖ്യാപിച്ചതെന്ന് വാര്‍ഡ് ലീഗ് പ്രസിഡന്റ് കാട്ടില്‍ സാജിദ് അറിയിച്ചു. വാര്‍ഡിന്റെ ഭൂരിഭാഗം പ്രദേശം ഉള്‍ക്കൊള്ളുന്ന സ്ഥലത്തുനിന്നാണ് ബഹിഷ്‌കരണ ഭീഷണി.
സ്ഥാനാര്‍ഥിയായി പഞ്ചായത്ത് ലീഗ് സെക്രട്ടറി കാട്ടില്‍ മൊയ്തുവിനെയായിരുന്നു വാര്‍ഡ് കമ്മിറ്റി തീരുമാനിച്ചിരുന്നതത്രെ. എന്നാല്‍, പ്രവര്‍ത്തകരുടെ വികാരം മാനിക്കാതെ കുനിങ്ങാടുനിന്നുള്ള ആളെ കൊണ്ടുവന്ന് സ്ഥാനാര്‍ഥിയാക്കുകയായിരുന്നുവെന്ന് പറയുന്നു.
ലീഗ് പഞ്ചായത്ത് കമ്മിറ്റിയാണ് ഇതിനുപിന്നിലത്രെ. സ്ഥാനാര്‍ഥിയായി പത്രിക നല്‍കിയിരുന്ന മൊയ്തുമാസ്റ്ററെ നിര്‍ബന്ധിച്ച് പിന്‍വലിപ്പിക്കുകയും ചെയ്തു.
വാര്‍ഡിലെ പ്രവര്‍ത്തകര്‍ക്കുള്ള പ്രതിഷേധം ജില്ലാ നേതൃത്വത്തെ അറിയിച്ചിട്ടും ഏകപക്ഷീയമായ അടിച്ചേല്‍പിക്കല്‍ തുടരുകയായിരുന്നുവെന്നാണ് ആക്ഷേപം.
നാദാപുരം: ആയഞ്ചേരി പഞ്ചായത്തിലെ തണ്ണീര്‍പന്തല്‍ വാര്‍ഡില്‍ ലീഗ് സ്ഥാനാര്‍ഥിയായി പുറമെനിന്നുള്ള ആളെ കൊണ്ടുവന്നതില്‍ പ്രതിഷേധിച്ച് പ്രവര്‍ത്തകര്‍ വോട്ട് ബഹിഷ്‌കരിക്കുന്നു. തണ്ണീര്‍പന്തല്‍ ടൗണ്‍ മുതല്‍ കാവുങ്കല്‍ പോസ്‌റ്റോഫിസ് വരെയുള്ള ഭാഗത്തെ പ്രവര്‍ത്തകര്‍ യോഗം ചേര്‍ന്നാണ് തീരുമാനം പ്രഖ്യാപിച്ചതെന്ന് വാര്‍ഡ് ലീഗ് പ്രസിഡന്റ് കാട്ടില്‍ സാജിദ് അറിയിച്ചു. വാര്‍ഡിന്റെ ഭൂരിഭാഗം പ്രദേശം ഉള്‍ക്കൊള്ളുന്ന സ്ഥലത്തുനിന്നാണ് ബഹിഷ്‌കരണ ഭീഷണി.
സ്ഥാനാര്‍ഥിയായി പഞ്ചായത്ത് ലീഗ് സെക്രട്ടറി കാട്ടില്‍ മൊയ്തുവിനെയായിരുന്നു വാര്‍ഡ് കമ്മിറ്റി തീരുമാനിച്ചിരുന്നതത്രെ. എന്നാല്‍, പ്രവര്‍ത്തകരുടെ വികാരം മാനിക്കാതെ കുനിങ്ങാടുനിന്നുള്ള ആളെ കൊണ്ടുവന്ന് സ്ഥാനാര്‍ഥിയാക്കുകയായിരുന്നുവെന്ന് പറയുന്നു.
ലീഗ് പഞ്ചായത്ത് കമ്മിറ്റിയാണ് ഇതിനുപിന്നിലത്രെ. സ്ഥാനാര്‍ഥിയായി പത്രിക നല്‍കിയിരുന്ന മൊയ്തുമാസ്റ്ററെ നിര്‍ബന്ധിച്ച് പിന്‍വലിപ്പിക്കുകയും ചെയ്തു.
വാര്‍ഡിലെ പ്രവര്‍ത്തകര്‍ക്കുള്ള പ്രതിഷേധം ജില്ലാ നേതൃത്വത്തെ അറിയിച്ചിട്ടും ഏകപക്ഷീയമായ അടിച്ചേല്‍പിക്കല്‍ തുടരുകയായിരുന്നുവെന്നാണ് ആക്ഷേപം.
0 comments:
Post a Comment